Derma 21 Medical認為，好多男人都覺得皮膚保養係女人既事，皮膚好唔好懶得理，好多人都係咁諗既，又未有皺紋，又唔係明星，男人老狗，搞咁多野做乜，男士們應該開始反思下，護膚、做facial係唔係有需要呢。
你趁後生，叫保養，老左d皺紋出左黎，叫維修。你覺得趁佢未出現之前，護膚keep住，定出左皺紋，先搽野淡化佢，邊樣容易D？如果你20歲就保養，咪keep住20歲既皮膚，到30歲果時，望落可能似20幾歲。你30歲先黎搞，咪最多都係保持三十歲既皮膚狀況。雖然有人不斷強調戀愛技巧既重要性，但戀愛技巧，不過只係一個價值放大器。你都係要搞好基本因素，衣著、外表，一一都計分。而且，第一印象，好多時都係「先敬羅衣後敬人」！
男人皮膚好唔好既問題，就係多黑頭粉刺，重災區係個鼻到，面頰同額頭三個地方。皮脂堆積後氧化，再加上灰塵污垢，毛孔就會形成黑頭。先唔講好多男人連潔面都懶做，簡直嚇死人！就算Derma 21 Medical建議每天潔面，近睇都仲有好明顯既黑頭。將心比心，如果你心儀既女仔想同你親吻，但睇到一堆明顯既黑頭，當堂都無晒胃口啦！
一般人清理黑頭，大概有以下方法︰
1. 用鼻貼
2. 用手擠
3. 用刷擦
逐樣講下先，第一樣，就係鼻貼。
由青春期開始，會有暗瘡、黑頭、面油問題，開始會在意自己既皮膚，剛剛好，果時有過鼻貼既潮流。當時試過用過，有D用，但清勁都唔徹底，總有一半既粉刺、黑頭清不走。結果，一招唔得，就試第二樣，用手擠，指甲易藏細菌，用手擠時弄出傷口，會引起皮膚發炎，更恐怖既係，毛孔會越變越大。結果呢，以後既黑頭毛孔就越變越大，更恐怖！第三樣，用刷擦，這只能去死皮，如去黑頭，作用是唔大既，反而大力擦會擦損皮膚。
而Derma 21 Medical建議改善黑頭同粉刺好唔好既方法就係做針清療程，清理面上既黑頭同粉刺，先清潔同針清完，按你皮膚既需要，導入適當既精華或其他護膚產品。大家要謹記一件事，黑頭不是一次能夠根除的，已經老化左既黑頭會被清除，但幾日後，新既黑頭又會生番出黎。所以做完facial後，都要注意日常清潔既護理，要有耐性同持續保養。
留言列表
